البنات هم سبب المعاكسات

[دبدوب]

البنات هم سبب المعاكسات

البنات يعطون الشباب الضوء الاخضرللمعاكسة

والشاب مايمكن بأن يعاكس من غير إشارة من

لبنية طبعا دو دائما..ساعات الشاب هوالذي يبدء

واما رايي عن المعاكسة طبعا المعاكس شيء غلط

دبدوب..الابتسامة المشرقة

[سجى الليل]

الاثنين منهم ليه دور ..
مثلا لبنيه ولباسها ومكياجها يلعب دور وحتى نظراتها الحرام ..
ولصبي بعد بيشوف جدي .. منهم من يغض نظره ومنهم من ياخدها لعبة ..

لكــــــــــــــن وين الايمان بالله .. وين الخجل .. وين الرجولة !!!!!!!

والله الدنيا ماتسوى .. احنا محاسبين يوم القيامة على كل شيء ..
ويش جهزنا الى هاي اليوم ؟؟!!!!!!!

مجرد وجهة نظري لااكثر ..
وعسى الناس تحس شوي ..

[عبق الجنان]

Originally posted by دبدوب

البنات هم سبب المعاكسات

البنات يعطون الشباب الضوء الاخضرللمعاكسة

والشاب مايمكن بأن يعاكس من غير إشارة من




يا اخ دبدوووب انت بكلامك واسلوبك قاعد تووجه اتهاام لكل البنات انهم سبب المعاكسااات×-؛

اني برايي ان كل الطرفيين مسؤول عن المعاكسات

فعلى البنية تكون ملتزمة و محتشمة و محد يتجرا يعاكسها و الله عاد اذا واحد عاد قليل ادب و ما يستحي على وجه فتطنشه البنية لي ما يتملل و يهدها

و في نفس الوقت حتى لو الصبي شاااف لبنية مثل ما قلت عطته الضوء الاخضر فمو شررط انه يعاكسها يعني هو عنده عقل و يفكر و يعرف انه الي يسويه مو عدل



مع تحياتي
عبق الجنان

[رستم2]

السلام عليكم ورحمة الله وبركاته .

شكرا على هذه الظاهرة الإجتماعية أووجهة نظرك

أنت تقول أن البنات هم الذين يأتون المعكسات لهم بأنفسم .

رأيي أن البنات يأتون بهذا الشيئ إذا كانت ملابسهم أو الشكل الظاهري بشكل عام فيها نوع من الجاذبية أي ( الملابس المخصرة والنقاب والنظارة خارج غطاء الوجه ورائحة العطر ...... وماشابه من ذلك )

أما إذا كان هذا الشيئ من الأولاد فهذا له علاقة في سوء التربية من الأهل ومرافقة السوء

لأن الشباب المراهق ( أولاد وبنات ) في هذا السن دائما يعتبر أن تفكيره هذا يؤديه إلى الصواب

وفي هذا السن يكون الشباب منجذبين إلى الشهوات بشكا سريع

ويكون نظرهم المعاكسات حل لإشباع شهوته .

هذه مجرد وجهة نظر لي

أخوكم : رستم2

[محمد بوحميد]

بالله شلون البنات هم سبب المعاكسات ؟؟ ممكن تفسرها ليي أكثر

شوف حبيبي إحنا كلنا مسؤلين أمام الله يوم تقم الساعة وكلنا محاسبون ولا تضع اللوم على غيرك لو كل واحد منا أمتنع ومنع من حوله وهم أهله وأصدقائه لكنا بخير ومجتمع خال ولله الحمد من كل هالأمور لكن وين اللي يطبق هالكلام ..

عفوك يارب

[دبدوب]

السلام عليكم:

اختي الكريمة عبق الجنان انا بسطوري

لم اقصد كل البنات بل بعض البنات

وليچ الكرامة اختي..

وانا اسف اذا قلت شيء ماعجبچ

اخي الكريم عاشق الخامنئي

انت تريد مني ان اوضح لك

اشلون البنات هم سبب المعاكسات

اولا انا لااقصد كل البنات بل بعض البنات

اخوي الكريم انا سأروي لك حادثه

حدثت لي في شهر الرمضان

بعد خروجي من المعهد ركبت الباص

بعدركوبي ركبت وحده ومعاها صديقتها

كنت قدام والبنات وراي قاعدين

رن تلفون وحده منهم وكان المتصل احدى

صديقاتها المهم سلموا على بعض...

وفي النهاية المتصله سئلت صديقتها

يله بسرعة متى بجين ..ردت صديقتها

يله اني بخليش الحين معاي في الباص

اصبي واااااااايد حلو والقعده معاااااااه

احسن من السوالف معاش..تبيني

اقول له ان انتين اسلمين عليه

ـــــــــــــــــــــــــــ

هاه ياخوي اش رايك في ذي

بس مو كل البنات مثل ذي لبنية.

يعني اصور لو كان واحد غيري

في ذا الموقف راح يستغل الوضع

والاراح يصرف مثل ماانا اصرفت

انا طبعا يعني سويت روحي ماسمعت شيء

والله يستر علينا وعليها.

دبدوب..الابتسامة المشرقة

[محمد بوحميد]

روح مدينة حمد العصر لو مكان فيته يتجمعن بعض البنات وراخ تلاقى إن الأولاد هم سبب المعاكسات

الكل فينا هو سبب لهذا الموضوع وحتى اللي ما يعاكس بعد سبب لأن سمح لأخته لو أخوه لو أحد أقربائة بالمعاكسة فكلنا محاسبون ...

أفضل من أن نلوم نحوال إيجاد بعض الحلول لمثل هذه القضايا ..

والسلام

[دبدوب]

السلام

اخوي التربية لها دور كبير في ذا الشيء بس اللي اهله عرفوا يربونة

ماراح يسوي ذي السوالف البطالة .

تشكر خوي على المشاركة

دبدوب..الابتسامة المشرقة

[هديل]

كل شي أصير أقطونه على البنيه مسكينه

أصلاً المعاكسات كل تبدي من الصبي

القليل الصبيان المبأدبين هو إلي ما يبدي

مره ثانيه مو كل شي تقطونه على البنيه لأن البنيه مو خراب الدنيا الصبي والبينيه

×-؛

[عاشق برشلونة]

إذا البنيه حافظت على عرضها وكرامتها ..

يعني مداومه على الحجاب والعباية (( الغير المفصلة لأعضاء الجسم مثل البالطو))
حتى لو لبست بالطو ولكن تحافظ على عدم لفت النظر إليها من الشبان الطائشين

أنا أقول الشباب والشابات لهم كل دور للمعاكسات ..

[ام حمادي]

تبون الصراحة اني بنية ولكن اشوف ان البنات هم السبب يا دافع البلا والبلوة تبدل الزمن صاروا البنات هم اللي يركضون ورى الصبيان انتون ما تسمعون عن البلاوي اللي قاعدة تصير في كل مكان وسببها هالبنات اللي ماعندهم شغلة بس انهم يخربون بيوت عاد هم ما يهمهم ان الصبي يكون متزوج والا لا المهم انهم يسوون علاقات معاه ومع غيره وما يكتفون بواحد ولكن ما نقول الا يالله خير وخاتمة خير عندنا بنات وخوات والله يستر على الجميع .

بس اخواني مو تفهموني غلط لاني ما عممت يعني مو كل البنات جدي وهذي مجرد وجهة نظر.







اختكم
ام حمـــــــادي

[مواطن بدون]

سلام....
انا اقول ان الاثنين مشتركين في هالغلط, ولكن السبب الرئيسي (البنت) بنسبة %99, يعني البنت لو مشت في الشارع وعيونها تحت ومحتشمه ماراح يعاكسها الشاب , بالعكس راح يحترمها.
واكبر مثال (باص المدرسه) , فيه نوعين من البنات داخل الباص, نوع محترمين انفسهم وقاعدين, والنوع الثاني اللي مو محترمين انفسهم وهم اللي يتسابقون على الكرسي اللا ورا.
عشان يلفتون نظر العالم والشباب ويصير اللا يصير من معاكسات, يعني لو قعدو مثل الاوادم ماراح احد يتجرا ويعاكسهم.":H"
طبعا انا اشتغل سائق باص وشوف المصايب من هالبنات , ولكن لاحياء لمن تنادي.
الله يهدي الجميع انشاء الله..........




تحياتي للجميع: اخوكم مواطن بدون

[Mr green]

واروي لكم هذه السالفة

يقولك في يوم ممطر ذهبت الى احد اقربائي وهو سائق باص ورائيت

الباص متسخ من المطر والوحل ما عدا الجامه الورانيه (( اخر كرسي))

فقلت ليه اوه منظفنها علشان لايدعم فضحك فقلت له ليش تضحك فقال انا ما نظفتها

هاذي وحدة من البنات اللي يركبون الباص منظفتنها قبل لاتركب فقلت ليه ليش منظفتنها

فقال لانها تقعد في الكرسي الاخيري بس ما تقابل قدام تقابل الجامه حق تطالع لصبيان

فقلت لاحول ولا قوة الا بالله

چـ Mr green ـاو البرازيل