بحر الديرة يستصرخ و ينتظر حملة التنظيف

[الأم الحنون]

بعد التحيه والسلام ...

الجميع يعلم ما لبحر المالكيه من صدى خاص في قلوب القريب والبعيد عنا ، الصغير قبل الكبير منا..

ولكن ..
بحرنا يستنجد محبيه بتنظيف القاذورات المتناثره حول سواحلة المشوهه...
وللأسف من قبل زواره اللذين اصبحوا يرمون القمامه في البحر عوضاً عن همومهم ...

احترسوا ..
نخشى يوماً يأتي الغريب يدعي القيام بحملة تنظيف فيفتتن بجمال الساحل بعدها يحدث الاحتلال الإسرامريكي ...

[Sheeva]

هالحجي ينقال حق{-:

سيد امير

اللي مرشح نفسه،، وويش سوى هو لحد الحين":{"

[الأم الحنون]

اخي الكريم ..

تنظيف بحر الديره مسؤلية كل فرد يقصد الساحل وليس ....

[شهيد الحب]

هلا والله


بكل صراحه بحر الديرة صار يفشل ومو نفس الاول

وين هذاك الرمل الاولي اللي نلعب فيه ونحفر":{"
مو الحين نحفر و ما انشوف الا حدايد وتواير طالعه الينا:D

ولا بعد متعلمين الحين هالبحاحير يودون الينا الچكرات والسياير عن يا زعم حق لحف وين صارت هادي

وينكم يا الجواله الى متى بعد
ترى الحين احنا في العطله واتوقعوا الكل بيروح البحر وبالاخص من العوائل الغرب:)

[الاخطبوط]

الكل مسئول عن نظافة البحر مب الجوالة بس ....

محد موصخ البحر غير البحارة و اللي عافسين البحر البحارة .... وماعتفس رمل بحر الديرة الا من كثر دوس السيارات عليه مال البحاحير و الزوار يدخلون بسياراتهم لو سط الرمال و ما يبون يخترب بحركم ....

بس انشالله بتصير حملة قريبة للجوالة لتنظيف البحر من الساحل و الى داخل الساحل يعني من برا و داخل و اللي نتمناه مشاركة كل افراد الديرة و الموسسات في الديرة ....

لو تطالع ارضية البحر تشوفها متروسة وسخ من تايرات و قواطي أيل و غيرها من الاوساخ اللي يرمونها البحاحير و الزوار ... قواطي حديد و بلاستيك و غراش زجاج ....

يعني ايد وحدة ما تصفق ,.,,, و البحر مو بس باسم الجوالة بإسم الديرة كلها .. و مسؤليية البحر على الجميع ,,,,

ما نبي ناس ما تعرف الا تستنكر او تتكلم .... نبي شغل و نبي نشوفكم في أنشطة تنظيف البحر ,.,,,

ما يعرفون الا الجوالة خراب الديرة .. لو تسئلهم شنو الجوالة قالوا ما يدرون ...

شهيد الحب ..: وينكم يا الجواله الى متى بعد
بلا كلام زايد نبي نشوفك في حملة التنظيف الكلام واجد مو زين ...
نعرف الكلام ببلاش .....
و الجوالة مب كولييه ,,,

[شهيد الحب]

هلا والله بالاخطبوط.....ادري ابك انت واحد من الجواله

اقول حبيبي انا واحد مستعد اجي انطف وياكم على سيف البحر ومن قد الكلمه بعد,,,,
بس وش الفايده اليوم اجي انطف وياكم وبكرة هالبحاحير يفلتون الينا اوساخهم على السيف............ انتون ما سالتون روحكم هالسؤال ؟؟؟؟ وين كلمة الجواله راحت لا يكون طارت في الهواء او ما اليكم كلمه!!!! المفروض توقفون حق اخوانا البحاحير وقفه كبيرة وتعارضونهم على هالشي

شهيد الحب ..: وينكم يا الجواله الى متى بعد
وحبيبي انا ما قلت هالكلام الا عارف بمعناه والكل يعرف ويشهد لان ما في الا غير الجواله اتنطف الساحل .......واحنا نشكرهم ونقدر تعبهم :)

[مطهر حسن]

هناك قكرة طور الدراسة من قبل ادارة المنتدى في هذا الشأن .. أتمنى أن ترى النور قريبا ..


سلام

[قمراء]

بسمة تعالى

لو سمحت يا الاخ Sheeva

مو كلشي اصير في مسؤليه سيد امير ليكون تبغي البحارة ترمي الاوساخ وسيد امير اجي انظف لكن اللة اسامحك ودائما اتقولون مااسوي شي .

من ظلم ظلم نفسة


تحياتي

[المالكية ديرتي]

لقد تم تنظيف البحر على يد مجموعة من أبناء القرية
مجموعة ظلمت ومازالت تظلم
على يد المجموعة التي إتهمت بسرقة مسجد الأمير زيد

[لهيب القلب]

لو تسوون حمله

للمنتدى ويروحون ينضفون كل شهر او سبوع

احلى يطلع يصير فيه اثاره

على الاقل اعضاء المنتدى بيصيرون مشاركين مع بعض في شي خارج المنتدى

[ولائي خامنائي]

فعلا البحر يتسترخ بس الى متى الجواله ينضفون البحر

والبحاره على راحتهم وبغرورهم يوسخون اذا تمون يتنضف

البحر لزم يتنضفون البحاره قدام هل البحاره موجودين ويش

ما انضف ما ببين والى متى بضلون معتمدين على الجواله

ولماذه لا تعتمدون على انفسكم ونحنو معكم انضف بس بشرط

اول شي انضف البحاره علشان بنضف البحر اذا البحاره ما نضفت

البحر مستحيل ينطف

مع تحيات اخوكم

ولائي خامنائي

[الاخطبوط]

ومثل ما قال المالكية ديرتي .. عن المجموعة المظلومة ... صراحة محد شكرهم يوم نظفوا البحر و لا قالوا لهم غير ذموهم و قالوا عنهم هم اللي باقوا أمير زيد ...

[مورس]

أرجوا وضع براميل قمامه من قبل شركة التنظيفات وهي مسؤوله عن وضع براميل صغيره ليتسنى للجميع المحافظه على نظافة الساحل , ولا ننسى دور الأباء والأمهات على حث أبنائهم للمحافظة على جمال الساحل ( وعدم لعب كرة القدم أثناء تواجد مرتادي الساحل) .

[الاخطبوط]

موجودين سابقا

[وردة فاطمة]

الصراحه هذا الكلام ينقال {-:

لان من رشح نفسه الى الحين ماسوى شي


انتون روحوا صوب بيتهم كله خمس خطوات مطبه

وين المدارس الي بيبنيهم وين التعديلات الي بسويهم وين الي قاله

والله كلام بدون فعل ×-؛

[الداتسون]

أيــــــه يالبحر عدموك وين الحين وين لوول

حلاته والمحل ضلام مو الحين ركبو لينا ليتاات وخربو الي هست على الاقل تقدر تقعد في الضلام تقدر تفكر على راحتك في الضلام بس الحين وين

http://www.ferienwohnung-starnberg.de/sta-see.jpg

[الأم الحنون]

ما شاء الله (http://www.malkiya.net/vb/showthread.php?s=&postid=339538#post339538)

[ام حسنين]

لو تسوون باركات حق السيارات لانه مو معقوله السيارات تدخل داخل الساحل
وتخرب الرمل لو يتنفذ هالطلب صار البحر الديره احلى بحر واوسع ويقدرون الجهال
يلعبون بدون خوف من السيارات وياخذون حريتهم وچان زين يخلون الينا كراسي
بيصير عجيب والرومنسيه بتنتشر يا عيني,7,
ومشكورين الى كل من ساهم في تنظيف بحر الديره ,7,

سلملم,7,
خلك مفرفش على طول

[ahmed othman]

روحوا شوفوا ساحل كرزكان اشلون مرتب ومشجر ونظيف ,لان هناك الجميع متعاون فى كل شى ايضا استطاعوا بناء دورة مياه ومكان للصلاه للرجال والنساء وطريقة عرض الباعه عصرا الى يبيع العصير والى يبيع النخى يعنى شى عجيب .وهنا فى ساحل الديره زرعت البلديه شجره تحمى الناس من حرارة الشمس قاموا بقلعها......وفى النهايه اتقولون السيد امير هو المسئول عن الاوساخ الموجوده على الساحل ....التعاون مطلوب من الجميع الحمدلله احنا فى الديره الكل قاعد يتكلم عنا ان اهالى المالكيه دائما متعاونيين متحابيين مانبغى نرمى بالوم على احد فى الديره وخاصة رجال الديره المخلصيين كالسيد امير وغيره.المطلوب تعاون الجميع من اجل ساحل نظيف يقصده كل محب لقريتنا وان شاء الله نرى الافعال ونتواقدها وقدود يااهل ديرتى.

[الاخطبوط]

لدينا بالمجلس البلدي العضو السيد أمير ...
بمجلس النواب العضو جاسم عبدالعال الله يرده بالسلامة ....
و بمجلس الشورى السيد حبيب ...

كلهم وعدونا بالتصرف حيال ملكية الساحل ,,,, ولم نرى أي شي منهم من الوعود اللتي قطعوها ,,,, لا يمكننا ان نتصرف و البحر مو ملكنا ....

هاي حقيقة لا احد يغفلها ...

[ام مريم]

مشكور وما تقصر احنا فعلا لازم انحافظ على نظافة البيئة,7,,7,,7,;):D